Best er að velja sólríkan og skjólsælan stað undir ávaxtatré til að fá uppskeru. Einnig er hægt að rækta margar sortir í óupphituðum gróðurhúsum, en þá þarf að hafa í huga hversu stórt yrkið verður og hvort hægt sé að halda því niðri með klippingu. Ávaxtatré gefa meira af sér í óupphituðum gróðurhúsum.

Jarðvegur þarf að vera frjór og ekki of rakur. Sendinn jarðvegur hentar vel. Um leið og það er orðið frostlaust ætti að bera áburð á trén. Ef vökvun er óregluleg geta komið sprungur í aldin, sérstaklega plómur og kirsuber. Ef lítið er um flugur er gott að frjóvga með pensli nokkrum sinnum yfir blómgunartímann. Ef aldin standa mjög þétt þarf að grisja þau.

Harðgerð ávaxtatré sem þola sæmilega seltu. Fæst eplatré eru sjálffrjóvgandi, yfirleitt þarf tvö yrki og þá er enn betra að hafa þrjú. Einstaka eru hálfsjálffrjóvgandi og geta gefið uppskeru ein, en eru betri með öðrum.

Blómgunartími getur verið misjafn og því verður að velja saman tré sem blómstra á svipuðum tíma. Flest eplayrki blómstra 28. maí - 12. júní. Sum yrki blómstra annað hvert ár, en það eru minni líkur á því ef þau eru ekki látin bera of mörg epli. Ef aldin eru of þétt er gott að grisja þau þannig að það standi eftir eitt aldin á hverjum klasa.

Um leið og epli fara að detta eru þau þroskuð. Óþroskuð aldin er erfitt að losa frá trénu. Best er að tína bara sæmilega þroskuð aldin og tína oftar. Snúðu aldin af frekar en að slíta og láttu stilkana fylgja með aldinunum. Ef epli eru of lengi á trénu geta þau ofþroskast og þá verða þau mjölkennd. Rauð epli fá ekki rauðan lit ef þau fá ekki næga birtu. Fyrsta uppskera er oft eftir 2-5 ár.

Gott er að klippa eplatrén vel sama ár og þau eru gróðursett. Það er ekki nauðsynlegt að klippa eplatré, en þau þola mikla klippingu. Best er að klippa 1/3 af ársvexti seinnipart sumars og síðan aftur að vori. Gefa skal áburð snemma vors. Sýrustig á að vera í kringum 6-7.

Epli geymast best við 3-5°C í götóttum plastpoka.
Ekki geyma epli og kartöflur á sama stað.

3 yrki eru ágrædd á sama stofn. Sjálffrjóvgandi.